Event Details

This event is running from 1 July 2021 until 31 July 2021. It is next occurring on 31 July, 2021 09:00

  • Categories:
  • Upcoming Dates:

POPIA-wetgewing

Graag wil ons meer inligting gee rakende die sms wat uitgestuur is oor die POPIA-wet. Dit is die Wet op Beskerming van Persoonlike Inligting, Wet no 4 van 2013.

 

Kerke (en enige organisasie wat mense se inligting insamel) word verplig om skriftelike toestemming van lidmate te kry om hulle persoonlike inligting (soos vervat in doopregistrasievorms, kategesevorms, nuwe lidmaatvorms, debietordervorms, basies enige vorm waarop persoonlike inligting staan) in te samel en veilig te bewaar, sodat slegs gemagtigde persone toegang het tot ‘n persoon se persoonlike inligting. Ons bewaar enige persoonlike inligting in die instapkluis. Die kerkkantoor is beveilig met diefwering, staalhek, ‘n instapkluis, sekuriteitskameras en alarmstelsel. Indien u meer inligting / duidelikheid verlang, kan die kerkkantoor (017-6347518) gekontak word.

 

Toestemming word ook verlang om lidmate selfs net op ‘n whatsapp-groep te plaas – voorsitters van die verskillende bedieninge moet ook hiervan kennis neem. Lidmate moet enige tyd die opsie hê om hierdie groepe te verlaat / e-posse vanaf kerk te staak. Verder mag foto’s (veral van kinders) nie sonder toestemming op enige sosiale media geplaas word nie.

 

Ons aanvaar nou dat alle lidmate toestemming gee dat die kerkkantoor / gemeente hulle persoonlike inligting het en veilig sal bewaar.