Geskiedenis

Secunda-Oos stig af van Secunda Moedergemeente en Trichardt-gemeente

Die afstigtingsvergadering van Secunda-Oos gemeente is gehou in die Kerksaal te Trichardt op Sondag 18 November 1979, deur die Ringskommissie en lidmate van die afstigtende Gemeente.

Lidmate vanaf Secunda-gemeente : 330
Lidmate vanaf Trichardt-gemeente : 125
Besoekpunte met afstigting : 203
Wyke met afstiging : 30

Ds. Neille van Aswegen word op 13 Januarie 1980 bevestig as die eerste leraar van die Secunda-Oos gemeente met ’n lidmaatgetal van 455.

Eredienste is gehou in die Kerksaal in Trichardt met ongeveer 250 sitplekke.

Die gemeente het bestaan uit die Oostelike gedeelte van Secunda, Trichardt en die plase wat grens aan Trichardt.

’n Galery is opgerig Trichardt kerksaal deur die kerkraad om die getal sitplekke te vermeerder, aangesien die gemeente getalle bly toeneem het.

Op ’n buitengewone kerkraadsvergadering gehou op 27 Oktober 1980 is daar besluit om gebruik te maak van die NG Gemeente Bethal-Noord se bouplanne en om voort te gaan met die oprigting van die kerkgebou kompleks.

Die bouplanne is aangepas en vergroot soos nodig om aan te pas by die terrein.  Die terrein is aan die gemeente geskenk deur Sasol Dorpsgebiede.

Die afstigting van Secunda – Goedehoop gemeente het plaasgevind op 29 Maart 1981.  Met die afstigting is daar ooreengekom dat beide gemeentes die kerkgebou kompleks sal gebruik en 50% van die kostes sal dra.

Die hoeksteenlegging van die kerkgebou het plaasgevind op 20 September 1981.

Die eerste kosteres vir hierdie gemeente mev. M. Schwenk, is aangestel op 1 Maart 1980 terwyl die skriba en kassierpos deur ds. Neille van Aswegen self gehanteer was tot 1 Januarie 1982 met die aanstelling van mev. Sharon van Rooyen.

Mev. Marina van Aswegen wat die klavierbegeleiding hanteer het vanaf die afstigtingsdatum, is op 1 Maart 1980 as orreliste aangestel.

Die ingebruikneming van die kerkgebou kompleks het plaasgevind op 27 & 28 Maart 1982, slegs 2 jaar en 4 maande na afstigting van die gemeente.  Vergaderings het voorts in die kerksaal van die nuwe kerk plaasgevind.