Bybelstudie / selgroepe
Kom geniet vriendskap en kry Bybelwysheid deur in te skakel by een van die volgende groepe (skakel gerus die leier). Gebruik gerus die gespreksvrae oor die erediens vir ‘n eie groep of stiltetyd
- 18:30 Jong werkendes – Elsje van Straten 0796418521
- 18:30 – Marius Neethling 0823716584
- 10:00 – Nerena Fick 0827298286
- 14:00 – Esme Visser 0836922859
- Indien jy ook ‘n groep het waar iemand nog kan inskakel, laat weet asb die kerkkantoor.
- Wat van ‘n mannegroep: B&B (Bybelgesprek en Boereworsrol) op ‘n Dinsdagaand 18:00? Kontak ds Henk as jy sou belangstel in so ‘n groep!
Gespreksvrae na preek So.31 Aug Wie ‘remote’ my lewe?
- ‘God is in beheer’.
- Wanneer was hierdie woorde vir jou ‘n groot troos?
- Wanneer was dit vir jou of iemand anders ontstellend of onverstaanbaar?
- Hoe probeer jy sin maak uit die groot rampe in die wêreld (tsunami, oorloë, onreg) en God se beheer of God wat regeer?
- ‘God regeer’
- Wat beteken dit vir ‘n gelowige om te weet God regeer? Lees Ps.146 vir ‘n antwoord
- Tog leer Jesus ons in Mt.6:9-13 om te bid ‘6:10 laat u koninkryk kom; laat u wil ook op die aarde geskied, net soos in die hemel’ en 6:13 ‘verlos ons van die bose’. Wat is die implikasies as God se koninkryk en regering nog eers moet kom, sy wil nog nie hier geskied nie, en dat die bose tans nog aktief is op aarde?
- Hoe moet ons dus meewerk dat God se regering beter sal kom?
- ‘God sorg’
- Lees Mt.10:29-31 in 2 vertalings, Afrikaans 1983 en 2020. Watter verskil maak dit dat die woorde ‘die wil van’ (wat nie in die oorspronklike Grieks voorkom nie) in die 1983 vertaling verskyn as poging om dit te verduidelik? Leidraad: die een laat die teks praat oor God se vooruitbeskikking en die ander oor God se sorg.
- Wat beteken dit dat God sorg tot in die kleinste detail van hare en mossies? Beteken dit God sorg dat geen haar uitval of mossie sterf nie, of dat Hy hare en mossies liefhet en wat met hul gebeur help hanteer?
- ‘Jy was getrou, of sleg en lui’
- Lees Mt.25:14-30. Wat was elkeen se verantwoordelikheid oor dit wat hy ontvang het? Was elkeen se sukses of mislukking vooruit bepaal of nie?
- Wat is my verantwoordelikheid om my omstandighede te hanteer en my talente te gebruik?
