Groepbespreking vir Lydenstyd
EENVOUD
Hierdie groepbespreking kan gedoen word in ʼn omgeegroep, tussen vriende of dit kan ook gebruik word vir huisgeloof saam jou gesin.
AANKOMS EN STILTE
- Word teenwoordig
- Steek ʼn kers aan
- Sit in stilte en word net bewus van God se teenwoordigheid
| Here, maak my eenvoudig.
Leer my om te leef met oop hande, met ’n sagte hart, met ’n gees wat nie vasgryp nie maar ontvang. Laat my hierdie week ontdek dat eenvoud nie armoede is nie, maar vryheid – die vryheid om U te sien, U te volg, U te vertrou. Amen.
|
| Here, maak my eenvoudig.
Eenvoudig genoeg om te sien wat regtig saak maak, om te laat gaan wat my vol maak maar nie voed nie, om te leef met ’n hart wat lig is en ’n siel wat rus. Here, maak my eenvoudig. Laat u teenwoordigheid my genoeg wees, u vrede my ritme, u stem my kompas. Waar ek te veel dra, neem dit weg; waar ek te veel jaag, bring my tot stilstand; waar ek te veel wil hê, herinner my aan u genoeg.
|
GEBED
Lees die teks van die dag 1 of 2 keer deur in jou Lydenstydboekie:
- Wat staan vir jou uit? Wat ontwrig of bevestig die teks in jou?
Laat elke persoon kortliks deel:
- Waar probeer ek steeds beheer hou?
- Wat sukkel ek om aan die Here oor te gee?
SKRIF & GESPREKSVRAE
Lees die Skrifgedeeltes 1 of 2 keer stadig deur.
HABAKUK 2:14, 18-20
- Wat is die dinge wat jou verhoed om in eenvoud te leef?
- Wat is die dinge wat ons verhoed om in die Here se teenwoordigheid stil te word?
PSALM 36: 6-11
- Watter beelde gebruik die Psalm vir God se sorg?
- Wat beteken die woorde “By U is die fontein van die lewe” vir jou?
JOHANNES 6:22-35
- Hoekom het die mense Jesus gesoek?
- Hoe verskil fisiese brood van die brood van die lewe?
- Wat beteken dit prakties om vir Jesus te leef?
- Hoe kan geloof ons help om eenvoudiger te leef?
SLUIT AF MET GEBED
