GESPREKSVRAE Vergifnis en vertroue herwin nalv preek So.23 Nov
- Lank gelede, was daar iets waarmee jy lank gesukkel het om iemand te vergewe? Vertel net as jy kans sien. Was dit seerkry, onregverdigheid, omstandighede? Wat het dit aan jou gemoed gedoen terwyl jy nog daarmee rondgeloop het?
- Wat dink jy van Nelson Mandela se woorde?
- Wat dink jy van Jesus se woorde in Mt.18:21-22: “Here, hoeveel keer moet ek my broer vergewe as hy iets verkeerds teen my doen? Selfs sewe keer?” Jesus antwoord hom: “Ek sê vir jou, nie sewe keer nie maar selfs sewentig maal sewe keer.
- Is dit moontlik? Is dit dalk gevaarlik om so aanhoudend te vergewe? Gullible?!
- Wat is die alternatief as mense en groepe weier om te vergewe? Wat is die gevolg dan?
- Watter verskil maak dit as dit dalk beteken dat jy dieselfde geburtenis herhaaldelik sal moet vergewe omdat die pyn dit kort-kort weer lewendig maak en die pyn dan weer ‘n besluit om te vergewe nodig maak?
- Wat dink jy van die stelling hier bo dat dit stupid is om dan weer te vertrou?
- Gesels oor die 7 fassette van ‘n proses om seermaak en vergifnis te hanteer:
- Verantwoordelikheid bepaal sodat ek weet wie moet almal vergifnis kry: wat is elkeen se aandeel en bydrae tot die seerkry, myne, joune, ander s’n? Wat kan my help om billik verantwoordelikheid toe te ken en nie bv te sê ‘dis alles net my/jou/hulle skuld nie’?
- Vergifnis gee: Dis ‘n allenige besluit, slegs jy en God, om te gee soos ek ontvang het. Dus ook vir jouself te gee.
- Vergifnis vra vir my aandeel, as die persoon bereikbaar is: “ Ek het … gedoen. Ek is jammer. As jy gereed is om te vergewe, sê asb. Wat kan ek doen om reg te stel?”
- Versoening, as moontlik en as veilig. Watter voorbehoude gee Rom.12:18 “As dit moontlik is, sover dit van julle afhang, leef in vrede met alle mense”. Want soms is afstand veiliger.
- Vertroue herbou, as jul dit saam kies. Dis ‘n lang proses.
- Verder gaan. Dalk maak 2 Kor.5:17 so iets moontlik
- Vergeet deur elders fokus. Geheueverlies is onmoontlik, maar fokus weg van die fout en op die positiewe, maak dit haalbaar. Maar kies om nie gereeld te verwyt nie.
